Планинарството – мост кон природата, здравјето и заедницата

Планинарството е многу повеќе од спорт – тоа е начин на живот кој овозможува социјализација, стекнување нови знаења и придонес кон зачувување на екологијата. Во Македонија, овој спорт е сѐ попопуларен, со регистрирани 62 планинарски друштва, од кои дел се активно вклучени во организација на тури и настани. Федерацијата на планинарски спортови на Македонија во моментов работи на модернизирана програма за евиденција на членовите, која ќе овозможи поорганизиран пристап и подобра комуникација меѓу друштвата и федерацијата.