Изјава на МНР Димитров на првиот ден од работната посета на Берлин

vlada.mk/ ___ Денес во Берлин, покрај учеството на конференцијата со вицепремиерот, колегата Кочо Анѓушев, имам многу силна билатерална агенда. Имавме сабајлево средба со дел од пратениците на ЦДУ/ЦСУ, една од најважните фракции во Бундестагот, во германскиот Парламент. Сите оние што се бават со надворешна политика и веднаш потоа со лидерот на пратеничката група г-динот Бринкхаус, во Бундестагот. Посетата ни е многу навремена. Целта ни е да им дадеме аргументи и реформски и добрососедски зошто македонскиот успех, успехот на Република Северна Македонија мора да биде валоризиран и зошто нашиот успех е успех и за Балканот и за Европската унија, бидејќи го немаме луксузот да не искористуваме шанси и да не решаваме проблеми, а денес, нашата држава е реално шанса и за пристапниот процес и за политиката на ЕУ кон Балканот и за целиот регион. Попладнево продолжувам со средби со советниците на канцеларката Меркел во нејзиниот кабинет, а утре со вицепремиерот Османи имаме обраќање заедничко пред Комисијата за европски прашања во Бундестагот и имаме средба со Михаел Рот, како и со новата лидерка на ЦДУ во Германија. Влада на Република Северна Македонија на социјалните мрежи: Facebook: www.facebook.com/VladaMK Twitter: www.twitter.com/VladaMK Instagram: www.instagram.com/mkvlada Flickr: www.flickr.com/vladamk