Конзерваторски и реставраторски работи и делумна реконструкција на Акрополот на тврдината ИСАР

Во Штип во работна фаза е проектот „Конзерваторски и реставраторски работи и делумна реконструкција на Акрополот на тврдината Исар“, со вкупна инвестиција од 94.717.972 денари. Станува збор за значајна инвестиција во заштитата и ревитализацијата на едно од најпрепознатливите културно-историски обележја на Штип. Проектот предвидува конзерваторски, реставраторски и реконструктивни интервенции на Акрополот, расчистување на оштетените и нестабилни структури, зајакнување и стабилизација на ѕидините и подобрување на условите за пристап и движење на посетителите. Работите се реализираат со цел да се зачува автентичноста на тврдината и да се спречи понатамошното пропаѓање на нејзините архитектонски остатоци, кои со децении се изложени на ерозија, временски влијанија и природно оштетување. Акрополот на Исар претставува исклучително значаен археолошки комплекс. Истражувањата на локалитетот откриле бедемски платна, одбранбени кули, црковен објект, цистерни и остатоци од други средновековни градби. Со реализацијата на проектот се создаваат услови ова културно наследство да биде подобро заштитено, побезбедно и подостапно за посетителите, но и подобро претставено како дел од историскиот идентитет на Штип. Придобивките се пошироки од самата конзервација. Ревитализацијата на Исар создава нови можности за развој на културниот туризам, поголема посетеност на градот, промоција на локалното културно наследство и дополнителни економски можности за локалната заедница. Инвестицијата од речиси 95 милиони денари е вложување во зачувување на минатото, но и во создавање нова вредност за иднината на Штип. Го зачувуваме културното наследство, го враќаме неговото значење и создаваме услови повторно да живее како дел од современиот град. Проекти за трајна промена - Нова енергија за ново забрзување #ПроектиЗаТрајнаПромена #НоваЕнергија #НовоЗабрзување