Надоградба на ООУ „Гоце Делчев“, Горно Лисиче - работна фаза

Во Општина Аеродром се реализира проектот „Надоградба на ООУ ‘Гоце Делчев’ – Горно Лисиче“, со вкупна инвестиција од 73.285.314 денари, насочена кон проширување на просторните капацитети и подобрување на условите за образование на учениците. Со реализацијата на проектот училиштето ќе добие шест нови училници, сместени во нов простор со површина од околу 600 квадратни метри. Според информациите на Министерството за образование и наука, проектот се реализира преку вториот јавен повик на Владата за финансиска поддршка на општините за реализација на инфраструктурни проекти. Проширувањето на училиштето ќе овозможи дополнителен простор за организирање на наставата и подобри услови за секојдневниот престој на учениците. Дополнителните капацитети се значајни и во насока на создавање услови за пошироко воведување на едносменска настава и продолжен престој, модел кој овозможува поефикасна организација на образовниот процес. Работите на проектот официјално започнаа во мај 2026 година, а согласно договорот со изведувачот, предвидениот период за целосна реализација е девет месеци. Проекти за трајна промена – Нова енергија за ново забрзување. #ПроектиЗаТрајнаПромена #НоваЕнергија #НовоЗабрзување