Криминалците се најуспешните воведувачи на дигиталната трансформација - Божидар Спировски

Во оваа епизода на "Во Изработка" муабетот е со Божидар Спировски, експерт за компјутерска безбедност, за тоа како изгледа светот од перспективата на човек кој постојано размислува како нешто може да биде злоупотребено. Почнуваме од времето на WarGames и првите хакерски ентузијасти, а стигнуваме до денешниот свет (и Mr.Robot) во кој кибер нападите се индустрија, криминалците користат автоматизација и AI, а најголемата слабост често не е технологијата туку човекот. Зборуваме за безбедноста на македонските компании, социјално инченерство, внатрешни закани, зошто "закуцани" лозинки сè уште постојат, што значи да се размислува како напаѓач и зошто не смееме само да чекаме да се случи инцидент за да почнеме да се заштитуваме. Зборуваме (неизбежно) и за AI, како може да им помогне на напаѓачите, како може да им помогне на одбраната и што се случува кога почнуваме премногу да му веруваме на систем кој не го разбираме целосно. А на крајот доаѓаме и до едно многу пошироко прашање: како да научиме како општество од сопствените грешки? Божидар е еден од оние гости со кои разговорот многу лесно оди од технологија кон луѓе, општество и начинот на кој размислуваме. 00:00 Од WarGames до Mr.Robot 4:50 Како изгледаше cyber-security сцената во Македонија во деведесетите 11:35 Кога заклучи дека cyber-security е она што сакаш да го работиш 16:30 Што значи безбедно за тебе а што за корисникот 20:00 Зошто не ни "доаѓа памет" кога станува збор за основна заштита на податоци 24:00 Колку (и како) програмерите "се криви" за небезбедниот софтвер 30:30 Како напаѓачот наспроти програмерот го гледа системот 35:30 Колку е тешко да се открие ранливост 42:05 Која е најстрашната работа која ја имаш видено 47:20 Колку пати те има изненадено позитивно или негативно некој систем кој си го анализирал 1:00:40 Каде е поважно да се инвестира за поголема безбедност, во технологија или луѓето? 1:05:45 Каде се наоѓа Македонија кога станува збор за компјутерска безбедност 1:13:50 Колку македонските компании се анагажираат околу компјутерска безбедност 1:23:25 Демистификација на "па баш мене нашле да ме нападнат, во Македонија " 1:26:20 Колку се македонските институции реално заштитени 1:34:20 Дали Македонија има доволно кадар за компјутерска безбедност? 1:48:45 Колку македонските компании ангажираат експерти за компјутерска безбедност при изработка на софтвер 1:53:55 Кои се основни мерки што еден инженерски тим треба да ги прати за да произведе безбеден софтвер 2:00:50 Колкава беља прави AI-то при "производство" на код и како PR Bouncer пробува да го реши проблемот 2:09:00 Колку се "лоши" кинеските AI модели? 2:14:00 Дали LLM-ите може да се злоупотребат вон "програмерски цели"? 2:21:25 Реалноста станува дистописка, а луѓето тоа не го приметуваат 2:23:40 Колку треба да не плаши губењето контрола врз сопствените информации? 2:38:00 Која е патеката за да се стане експерт во компјутерска безбедност 2:42:30 Bull***t, да или не?