"Не е битно дали е интелигентен, битно е да работи" - Душко Јордановски за Linux, AI и кризата во ИТ

Во третата епизода муабетот е со Душко Јордановски, CTO на Paket.mk, а претходно соосновач и CTO на H4. Зборувавме за тоа дали програмирањето станува само серија на прашања до ВИ агент за програмирање, или сè уште има вредност во тоа да знаеш како работи системот "под хауба" Муабетот не можеше да помине без "вечната дебата": Linux против Windows и зошто сѐ повеќе програмери претпочитаат терминал пред "user friendly" интерфејси. Зборуваме за промената на генерациите во ИТ секторот, за оние кои се тука за "уметноста" на пишувањето код наспроти оние кои се фокусирани исклучиво на финалниот продукт. - Терминал vs. GUI: Дали користењето на командна линија ве прави побрзи или е само чист ентузијазам? - AI како "Google на стероиди": Како LLM моделите како Claude го менуваат начинот на кој учиме и пишуваме код - Криза на вештини: Зошто сениор програмери паѓаат на најобични задачи и како капитализмот влијае на квалитетот на софтверот денес - Иднината на ИТ: Дали ќе бидеме преплавени со евтин и нискоквалитетен код генериран од машини? - Халуцинации и креативност: Може ли AI навистина да биде креативен или е само добар "баунсинг борд" за идеи? Linux, AI халуцинации и иднината на кодот: Зошто денес е полесно (но и поопасно) да си програмер, сѐ на едно место, во оваа епизода. Уживајте! #AI #programming #startup #StartupsMK #SoftwareDevelopment #TechTalk #vibecoding #opinion