"Правењето инди игри е чист инат" - Кристијан Трајковски за како успешно се прави компјутерска игра

Шеста епизода, а гостин е Кристијан Трајковски, еден од основачите на Dark-1, едно од поуспешните македонски студиjа за развој на игри. Зборуваме за двете веќе издадени игри, "Skopje 83" и "Odium to the Core", за реалноста на инди сцената каде што "инатот" е главен погон за работа, како и за предизвиците со кои се соочуваат програмерите при изборот на технологии како Unity, Unreal Engine и Godot. Теми кои ги опфативме во оваа епизода - Зошто развој на игри, а не корпоративен софтвер? Разликата помеѓу креативната експресија во правењето игри и работата по строги корпоративни спецификации. - Анатомија на "Skopje 83": Како се роди идејата за игра сместена во бруталистичко Скопје, зошто бројот 83 е клучен за приказната и како функционира механиката и преживувањето во играта. - Процесот на развој и "scope creep": Како се менаџира креативен тим од 7 луѓе без формален проектен менаџер и како да се контролира постојаниот прилив на нови идеи што го продолжуваат рокот на изработка. - Бизнис реалноста на Steam: Што е vertical slice, како се обезбедуваат финансии и како малите студија тактизираат со датумите на издавање за да не бидат здробени од гиганти како GTA 6. - Војна на енџините: Споредба помеѓу Unity, Unreal Engine и open-source опцијата Godot, како и зошто пазарот за развој на игри се разликува од вебот кога станува збор за open-source алатки. - Совети за почетници: Зошто соло девелоперите треба да најдат барем уште еден партнер (артист/програмер) пред да почнат да прават своја игра. #programming #итмакедонија #gamedevelopment #devcommunity #indiegames #indiegamedev #steam #skopje #skopje83 #odiumtothecore #dark1