Возачите на ОИЛКО тврдат дека им се прекршени низа работнички права

Неправилностите кои ги детектираше транспортниот инспекторат во Оилко се само дел од проблемите – тврди синдикатот. Првиот човек на СУТКОЗ, вели дека инспекторатот требало јасно да ги наведе сите неправилности бидејќи во претставката од синдикатот биле точно наведени сите прекршувања на работничките права, кои според нив се многубројни. Синдикатот разговарал со раководството на компанијата, но ветувањата дека во иднина ќе се почитуваат работничките права важеле само до крајот на состанокот. Гранскиот синдикат најавува дека по судски пат ќе ја бара правдата за возачите.