Ќе доведе ли истрагата до сите виновници? Организиран криминал и корупција го презема „Мостот ОКО“

Обвинителството за организиран криминал и корупција го презема случајот за мостот ОКО во кој се сомничат поранешниот градоначалник на општина Центар, Владимир Тодоровиќ и уште двајца негови соработници за злоупотреба на службена положба. Имено, општината склучила договор за јавна набавка со фирмата „Конструктор – инженеринг“ во 2009 година, а мостот требало да биде завршен до јануари 2012г. Договорот бил склучен на 92 милиони денари но со анекс, неговата вредност достигнала 120 милиони денари. Поради неисполнување на обврските од договорот, прекршување на рокот за изведување на работите, како и поради неквалитетно извршување на веќе изведените работи, во 2012 година општина Центар го раскинала договорот, а за довршување на работите за изградба на пешачкиот мост била спроведена нова постапка за јавна набавка и бил склучен договор со друг изведувач. Поранешниот градоначалник и неговите соработници требало да ги активираат двете банкарски гаранции навремено со кои „Конструктор – инженеринг“ ќе ја надомести штетата кон општината, но тоа не го направиле.