Ципрас ја презема функцијата на Коѕијас за да се спроведе договорот

Премиерите на Македонија и Грција, Заев и Ципрас телефонски разговарале за состојбите во двете земји. Ваквиот разговор се наметна како нужен по оставката на министерот за надворешни работи, Никос Коѕијас кој е потписник на преспанскиот договор. Премиерот Ципрас го информирал македонскиот колега дека тој ќе ја преземе функцијата министер за надворешни работи за успешно да се спроведе имплементацијата на договорот. Ова го потврди портпаролот на грчката Влада и министер без ресор, Димитрис Ѕанакопулос за грчката државна телевизија.