Азиски тигрест комарец раширен низ Македонија – до март нема опасност од појава на зарази и инфекции

Азиски тигрест комарец се проширил низ земјава, информираа денеска надлежните со уверување дека не постои опасност од појава на инфекции во овој период од годината. Директорот на Агенцијата за храна и ветеринарство рече дека веќе е формирана превентивна работна група на чие чело стојат тој и министерот за здравство Венко Филипче, а од владата информираа дека ќе биде формирано и момиторинг тело. Направени се и анализи врз животните и досега нема ниту еден случај на инфекција или заболување. Мапирање е направено на источниот дел од земјава, а во моментов се врши мапирање и на западниот.