Функционерите не смее да бидат амнестирани – Владата против менување на кривичниот законик

Дали обвинетите во случаите на СЈО се уште бараат начин да избегнат одговорност? По иницијативата до Уставен суд која ја поднесе еден од адвокатите на обвинетите за промена на член од кривичниот законик, Владата донесе одлука да му предложи на судот да не ја прифати таквата иницијатива. Со актуелниот член во кривичниот законик, одговорноста ја делат сите надлежни при постапките за јавни набавки, што ги оневозможува нарачателите да избегнат одговорност. Со поднесената иницијатива всушност се бара целата кривична одговорност да паде само врз комисијата за јавни набавки и да се изземат од одговорност високите функционери.