КРИВИЧНА ЗА СЛАВЧО ТРПЕСКИ – НЕЗАКОНСКИ УНАПРЕДИЛ 128 СЛУЖБЕНИЦИ, ЕКС ДИРЕКТОРОТ ДЕМАНТИРА

МВР го сомничи поранешниот директор на Агенцијата за катастар, Славчо Трпески дека унапредил 128 службеници без соодветна законска постапка. Според министерството, Трпески ја злоупотребил службената положба во 2016 година, а со незаконското постапување го оштетил државниот буџет за речиси 120 илјади евра. Трпески демантира противправни дејствија и вели дека не потпишал ниту едно Решение за унапредување додека бил директор на Агенцијата. Додава дека решенијата кои биле носени за унапредувања биле во согласност со новиот Закон за административни службеници.