Сопственикот на Секјуриком избегал преку нелегален премин на косовската граница

Сопственикот на Секјуриком Волфганг Гампер осомничен за местење на 11 милионскиот тендер за одржување на Владата, избегал преку нелегален премин на македонско косовската граница. Тоа го признал самиот Гампер за австриската државна телевизија на трети месецов. Во интервјуто признал и дека државата ја напуштил во средината на август. Прашавме во обвинителството: дали бара од властите во Австрија да го испорачаат на Македонија, кој му помогнал да избега и дали навистина е недостапен за органите на прогонот со оглед на фактот дека е достапен за австриските медиуми? Од обвинителството за 1ТВ велат дека ги доставиле бараните податоци за обвинетиот до тамошното обвинителство.