Референдумот e во согласност со Уставот – Пресекоа уставните судии

Со 7 од 9 гласови беше отфрлена иницијативата до Уставниот суд за стопирање на референдумот. Предлогот за времена мерка на судијата известител Елена Гошева беше поддржан единствено од судијата Јосиф Јосифовски. Први за збор по образложението на Гошева се јавија новите судии во овој состав Дарко Костадиновски и Осман Кадриу, а Јосифовски реагираше по нивните излагања со оценка дека не ги почитуваат подносителите на иницијативата по што претседателот на судот му укажа дека секој судија може да си го искаже својот став.