Приведените терористи се ученици на имамот Реџеп Мемиши – Враќањето е безбеден и контролиран процес

Седуммината борци на ИСИС кои на почетокот на неделава беа вратени од Сирија и приведени се ученици на имамот Реџеп Мемиши кои во случајот Ќелија 1 доби највисока затворска казна за регрутирање, организирање и испраќање луѓе на боиштата во Сирија. Уште 15 македонски државјани се наоѓаат во ова конфликтно подрачје, а службите најавија дека активно се работи на нивно обезбедување. Според информации од безбедносните служби, за приведените борци веќе се обезбедени докази поткрепени со изјави и ќе се теретат за учество во странска паравоена формација и тероризам. Меѓународната заедница веќе ја пофали одлуката на македонските власти за прифаќањето на репатријацијата, а безбедносните служби брифираат дека ова е најбезбеден метод бидејќи е единствен начин за целосна контрола на процесот.