Државата почнува да ги враќа парите во буџетот, но што е со физичките лица кои се оштетени од самоволието на претходната власт? Веќе осма година семејството Адемовски чека правда. На местото на кое денеска се гради трговскиот „Емпорио“, тие имале три објекти легално купени, но велат дека поради нечии бизнис интереси, нивните ќебапчилници биле срушени. И тоа на насилен начин.
„Дојдоа од фирмата на Сеад Кочан со својата механизација да не рушат. Ни рекоа дека тука треба да има парк. Дојдоа од општината, полиција, инспектори… Ние се буневме, но полицијата рече дека ќе не тепа ако не се тргнеме“ – вели Рамадан Адемовски.