Јавниот сервис во длабок онлајн сон – Последната вест на порталот е од пред три недели

Освен програмата што се емитува на фреквенцијата на МРТВ, речиси и нема друго место на кое можете да ги најдете содржините кои ги пласира националниот медиум. Новите технологии наметнаа нови начини на известување и следење на настаните, но се чини, јавниот сервис заостанува во чекорот. Веб страната на МТВ не е ажурирана речиси три недели. Последната вест објавена на неа е од 6ти месецов, а се однесува на интервјуто на премиерот Заев за грчки медиум. На социјалните мрежи, присуството на МТВ е уште пооскудно. Повеќе од еден месец нема никаква активност на Фејсбук профилот на МТВ, а последната објава е од 17 јуни односно од потпишувањето на договорот со Грција. Состојбата со Твитер профилот, е уште попасивна.