Македонија е на прагот на НАТО – Добиваме покана на Самитот на 12 јули

Триесетиот јарбол во НАТО резервиран за знамето на Македонија. На Македонија церемонијално ќе и биде врачена покана за почеток на пристапните преговори на самитот на 12 јули. Но услов за влез останува исполнување на договорот со Грција. Според очекувањата, референдумот и уставните измени треба да бидат завршени до крајот на годината, а во јануари идната година ќе биде потпишан пристапниот Протокол со НАТО. Од тој момент земјава седнува на главната маса на Североатлантскиот совет и учествува во сите структури на НАТО. Она што всушност одзема најмногу време е ратификацијата во парламентите на земјите членки – појасни генералниот секретар. Тоа отприлика трае околу година ипол.