Заев и Димитров на сиктер кафе кај Иванов – Мицкоски сам отиде по договорот во Влада

Мицковски бараше средба со Заев, а откако ја доби рече дека немало тема за разговор, туку дека средбата ја барал само за да го добие договорот на писмено. Најави дека договорот ќе биде разгледуван од сите партиски тела, но и дека ќе се бараат консултации со МПЦ. ИВЗ и МАНУ. Лидерот на ВМРО ДПМНЕ рече дека остварил средба со Иванов, но освен повторените ставови не кажа за што друго разговарале.
Шефот на државата пак, ги прими Заев и Димитров, па ги остави сами да го допијат кафето. Цели две минути траеше нивната средба. Шефот на државата не сакал да ги слушне деталите за договорот и аргументите на премиерот и министерот за надворешни работи. Само побарал од нив да ја остават писмената верзија од договорот.