Заев и Ципрас пишуваат историја: Решавање на вековниот спор или капитулација?

Падна историски договор помеѓу Македонија и Грција. Северна Македонија за севкупна употреба е името кое го договорија премиерите Заев и Ципрас во телефонскиот разговор. Јазикот останува македонски, а во графата националност ќе пишува, Македонец или Македонка / Државјани на Северна Македонија. Сепак, граѓаните ќе го дадат последниот збор на референдум кој треба да се одржи оваа есен по што ќе следат уставните измени. Реферндум во соседна Грција нема да има. Грција го прифати идентитетот, нема веќе ФИРОМ, со овој договор го зацврстуваме идентитетот – рече премиерот Зоран Заев на владината прес конференција.