Епизода 10: Да бидеме силни - некогаш тоа е единствената опција што ја имаме (со Ангела Дончева)

Кога пред 6 години, на Ангела и беше дијагностицирана леукемија, таа мораше да ги стави на пауза сите нејзини животни планови и да се подготви за битка која засекогаш и го промени животот. Во десетата епизода од мојот поткаст, инспириран од мојата најнова книга „Сè што би сакал да знаев порано“, со Ангела Дончева разговараме за нејзиното животно патување, лекциите што ги научи во борбата со оваа опасна болест, моќта на позитивните мисли и што е најважно, како во некои моменти во животот единствената опција што ја имаме е да бидеме силни. „Сè што би сакал да знаев порано“ е достапна во вашата најблиска книжарница и онлајн на веб страницата на Издавачки центар три, www.kniga.mk.