Епизода 13: Заблагодарете се себеси за вашите достигнувања (со Владимир Ристевски)

Отсекогаш сум верувал дека успехот е тимска работа. Човекот сам ништо не може да постигне. Навистина, нашиот успех е плод на макотрпна работа, меѓутоа и сплет на среќни околности, вистински моменти и вистински луѓе. Но славејќи ги успесите, заборавив на една многу важна работа, а тоа е дека и јас сум бил дел од тимот кој извојувал успеси. Во епизода 13 од мојот поткаст, инспириран од мојата најнова книга „Сè што би сакал да знаев порано“, со Владимир Ристевски, партнер и креативен директор во Piksel LTD, зборуваме за важноста да се заблагодарите за вашите достигнувања, како неуспесите да ги трансформирате во научени лекции и како да уживате во сегашниот момент наместо да се фокусирате на минатото и да размислувате премногу за иднината. „Сè што би сакал да знаев порано“ е достапна во вашата најблиска книжарница и онлајн на веб страницата на Издавачки центар ТРИ: www.kniga.mk.