Епизода 8: Чудата се случуваат и во комфорната зона (со Ивана Станковиќ и Нина Николиќ)

Животот ме научи дека, за да го добиеме она што го сакаме, навистина мора да се изнамачиме. Навистина мора да одиме до пеколот и назад. Ама едно ќе ви кажам. Овој начин на живеење знае да биде и многу исцрпувачки. Во моментов се наоѓам во една животна фаза кога навистина ниту сакам ниту морам, а ниту имам сила да се борам за сè што ќе ми дојде во главата како идеја. Како што поминува времето, сфаќам една работа – и во комфорната зона се случуваат чуда. Не мора да излеземе од неа за навистина да го живееме животот. И комфорот има своја убавина. И тој е дел од нашето живеење. И тој со себе носи благодати. Во осмата епизода од мојот поткаст, инспириран од мојата најнова книга „Сè што би сакал да знаев порано“, со моите пријателки, Нина Николиќ (Superconnector & Startup Ecosystem Lead) и Ивана Станковиќ (Finance Experts, Ecosystem Builder & Investment Facilitator) разговараме за илузиите околу комфорната зона, за важноста на поставувањето граници во нашите животи но и за моќта на самољубовта и самопочитта. „Сè што би сакал да знаев порано“ е достапна во вашата најблиска книжарница и онлајн на веб страницата на Издавачки центар три, www.kniga.mk.