Епизода 12: Добрите луѓе наоѓаат добри луѓе (со Илина Поп Христова и Миа Костова)

Во животот ќе се среќаваме со најразлични поединци и секој од нив ќе ни понуди уникатно животно искуство. Некои можеби ќе нè повредат, но мораме да сфатиме дека сите луѓе не се исти. Има луѓе кои искрено нè ценат за тоа што навистина сме. Со нив можеме меѓусебно да се почитуваме и да се разбираме. Чувајте ги тие луѓе. Во дванаесетата епизода од мојот поткаст, инспириран од мојата најнова книга „Сè што би сакал да знаев порано“, со Илина Поп Христова и Миа Костова, зборуваме за тоа што е потребно за да се биде добар пријател, како да ги поддржиш пријателите кога им треба твојата помош и како да создадеш врски што можат да ги преживеат сите животни турбуленции. „Сè што би сакал да знаев порано“ е достапна во вашата најблиска книжарница и онлајн на веб страницата на Издавачки центар ТРИ: www.kniga.mk.