Епизода 2: Прифати ги сите свои верзии

Секоја наша верзија е приказ за величественоста на нашето живеење. Секоја верзија ни помогнала да се спознаеме себеси подобро. Секоја верзија нѐ довела до она што сме денес. Во втората епизода на мојот поткаст, инспириран од мојата најнова книга "Сè што би сакал да знаев порано", со Катерина Ангеловска разговараме како да се одврземе од стегите на минатото и како да ги прифатиме сите наши минати верзии, и оние кои ни донеле радост но и оние кои ни донеле тага. Мојата гостинка, Катерина Ангеловска, е советник за личен развој, автор, енергетски терапевт, говорник. Нејзината работа, пораката што ја пренесува, енергијата и личниот коучинг стил придонесоа во последниве неколку години да им помогне на голем број индивидуалци да ја поттикнат големината и моќта во себе и да станат свесни творци на својот живот.