„Не ме сакај, почитувај ме“ | ЕП03 ОКТАЈ СЕЈДИ | RESET

Денес во третата епизода на „RESET“ ни гостува стилистот Октај Сејди. Работата нѐ спои, но колку нѐ зближи? Луѓето секого нарекуваат пријател во денешно време, но колку всушност темелно се вистински? За долго и квалитетно пријателство велат дека не е доволно само да го имаш, туку понекогаш и во одредени фази од животот треба да се „работи“ на него. Сведоци сме на многу пријателства кои лесно биле скршени, патиштата се раздвоиле, тешки зборови се кажале и скоро никогаш повторно тие пријатели не си го подариле тој драгоцен момент, а тоа е да направат длабок разговор меѓусебе. Животните предизвици на Октај го научиле да биде резервиран околу своите емоции, да не потклекне и да остане во улогата на „силен“ маж. Но, кога ќе се прелие чаша, кога ќе се спомене момент или некоја личност, можеме многу лесно да увидиме дека е навистина емотивен човек. Тоа не го исплаши за да ги покаже своите вистински чувства пред мене, но и пред сите вас. Денеска учиме лекција - колку ранливоста може да биде убава. Со љубов, Нина