Изградба на детска градинка - клон на ЈОУДГ ,,Авионче''- Петровец, со сензорна соба - завршна фаза

Во Општина Петровец во завршна фаза е изградбата на клон на ЈОУДГ „Авионче“, кој ќе обезбеди дополнителен простор и подобри услови за згрижување и престој на децата. Работите на објектот се при крај, а во тек се финалните активности за уредување на внатрешните простории. Паралелно се финализира и опремувањето на новата сензорна соба, наменета за поттикнување на детскиот развој преку соодветно приспособен простор. Со реализацијата на проектот се создава современ и функционален објект кој ќе придонесе за подобри услови за најмладите и унапредување на предучилишната инфраструктура во општината. Проекти за трајна промена – темели за сигурна иднина. #ПроектиЗаТрајнаПромена #СигурнаИднина #МакедонијаСеРазвива