Изградба на детска градинка во населено место Инџиково - ЗАВРШНА ФАЗА

Во завршна фаза е проектот за изградба на нова детска градинка во населено место Инџиково, со што наскоро најмладите жители ќе добијат современ и безбеден простор за згрижување и воспитување во своето место на живеење. Со реализацијата на проектот трајно се решава недостигот на капацитети, се воведуваат највисоки стандарди за престој и се создава значајна поддршка за младите семејства во нивното секојдневие. Новиот објект ќе обезбеди квалитетни услови за ран детски развој и образование. Инвестицијата од 47.508.811 денари, обезбедена преку Министерството за социјална политика, демографија и млади, претставува значаен чекор во унапредување на социјалната инфраструктура и грижата за децата. Проектот придонесува за подобри услови за предучилишно образование, сигурна средина и поквалитетен живот за жителите на Инџиково. Проекти за трајна промена – темели за сигурна иднина. #ПроектиЗаТрајнаПромена #СигурнаИднина #МакедонијаСеРазвива