Проект за реконструкција на улица 35, 37, 39, 41, 102 и улица 103 и краци на улиците во Волково

Успешно е завршен проектот „Реконструкција на линиски објект: улица 35, улица 37, улица 39, улица 41, улица 102 и улица 103 и краци на улиците во Волково“, во Општина Ѓорче Петров. За реализација на проектот се инвестирани 16.327.893,04 денари, преку Министерството за транспорт. Со завршувањето на реконструкцијата се подобрува локалната патна инфраструктура во повеќе делови од Волково и се создаваат подобри услови за секојдневно движење на жителите. Реконструираните улици и нивните краци обезбедуваат подобар пристап до домовите и објектите, побезбедно и поудобно движење и пофункционално поврзување во рамките на населеното место. Придобивките од ваквите инфраструктурни зафати се непосредни за граѓаните. Подобрата состојба на локалните улици значи полесно секојдневно движење, подобар пристап за комуналните и итните служби и поквалитетна локална сообраќајна мрежа. Со инвестицијата од над 16,3 милиони денари, уште еден инфраструктурен проект во Волково е целосно реализиран и ставен во функција на локалната заедница. Станува збор за инвестиција во инфраструктура која граѓаните ја користат секој ден и чиј резултат е директно видлив на терен – поуредени улици, подобра пристапност и подобри услови за живот. Проекти за трајна промена - Нова енергија за ново забрзување #ПроектиЗаТрајнаПромена #НоваЕнергија #НовоЗабрзување