Реконструкција на локален пат Драчево-Мотел Китка, делница село Црвена Вода, Китка - РАБОТНА ФАЗА

Во тек е работната фаза од проектот за реконструкција на патната делница во должина од 6,42 километри и ширина од 3,5 метри. Активно се реализираат градежни работи, вклучително поставување нов асфалтен слој од 8 сантиметри, уредување на банкини, изградба на армирано-бетонски пропусти и потпорни ѕидови, како и оформување на отворени канали, риголи, тротоари и ивичници на клучните делови од трасата. Со инвестиција од 63.537.537 денари, обезбедена преку Министерството за транспорт, се создава стабилна и долготрајна сообраќајна инфраструктура што ќе ја подобри руралната поврзаност и ќе придонесе за локален развој. Проекти за трајна промена – темели за сигурна иднина. #ПроектиЗаТрајнаПромена #СигурнаИднина #МакедонијаСеРазвива