Реконструкција на спортска сала „Расадник“ – современ спортски центар за граѓаните - ЗАВРШЕН ПРОЕКТ

Завршен е проектот за реконструкција на спортската сала „Расадник“ во Општина Кисела Вода, со што се создаваат современи услови за спорт, рекреација и одржување спортски настани. Со реализацијата на проектот салата е целосно реконструирана и опремена со нова спортска подлога, современа опрема, како и систем за вентилација и климатизација, кои обезбедуваат високо ниво на функционалност и комфор. Реконструираниот објект ги исполнува сите потребни стандарди за одржување тренинзи и натпревари, нудејќи безбедна и современа средина за спортистите и рекреативците. Проектот претставува значајна инвестиција во спортската инфраструктура на општината и придонесува за развојот на спортот и здравите животни навики кај граѓаните. Проекти за трајна промена – темели за сигурна иднина. #ПроектиЗаТрајнаПромена #СигурнаИднина #МакедонијаСеРазвива