Реконструкција на ул „Сремска“ и дел од улица 6 во село Облешево - работна фаза

Во Општина Чешиново-Облешево се одвиваат градежните активности за реконструкција на улицата „Сремска“ и дел од улица 6 во село Облешево, проект кој има за цел унапредување на локалната патна инфраструктура и подобрување на условите за движење на жителите. Во рамки на работната фаза се изведуваат подготвителни и градежни активности, вклучувајќи санација на постојната коловозна конструкција, подготовка на подлогата и поставување на нов асфалтен слој, со што ќе се обезбеди поиздржлива и безбедна сообраќајница. Инвестицијата изнесува 13.312.351 денари и е обезбедена преку Министерството за транспорт. Со реализацијата на проектот, жителите ќе добијат уредена и функционална инфраструктура која ќе овозможи побезбедно и полесно секојдневно движење. Проекти за трајна промена – темели за сигурна иднина. #ПроектиЗаТрајнаПромена #СигурнаИднина #МакедонијаСеРазвива