Епизода 5: Најпрвин боли, а потоа те менува

Кога си подготвен навистина да се бориш за некаква позитивна промена во животот, мора да сфатиш дека таа промена носи многу болка со себе. Болка која допира во секој твој дел, во секоја твоја клетка. Болка која на моменти изгледа неиздржлива. Ти ги обзема сите мисли. Те тера да смислуваш најцрни можни сценарија. Болка која не ти дава да дишеш. Болка која те тера да завршиш сѐ. Во најновата епизода од мојот поткаст, инспириран од мојата најнова книга „Сè што би сакал да знаев порано“, со мојот пријател Лазар Ѓуров, разговараме за моќта на болката и нашите емоции но и колку голема храброст е потребна да кажеш: уморен сум од сѐ. Лазар е еден од водечките обучувачи и консултанти за личен и организациски развој. Човек кој преку активностите во Институтот СИМБИОТИКА ја буди вербата кај луѓето во својот неограничен потенцијал. Универзитетски професор кој е фасциниран и со голема страст го истражува Лидерството. Посветен татко и заљубен сопруг.