Епизода 6 :Да бидеш добар човек не значи да трпиш сè околу себе

Моето животно мото секогаш било: биди добар со сите во твојот живот, без разлика на тоа како тие се однесуваат со тебе. Секој кажан збор кон некого бил филтриран милион пати во глава, за да не ги повредам, за да не кажам нешто погрешно, за да на бидам погрешно сфатен. Многупати не сум го кажал своето мислење само затоа што, без разлика на сè, сум сакал да останам добар, иако често сум се каел поради тоа премолчување. Денес не сум сигурен дека сум постапувал правилно. Во најновата епизода од мојот поткаст, инспириран од мојата најнова книга „Сè што би сакал да знаев порано“, со моите пријателки Ели Пешева (директорка за комуникации во “Њу Момент”) и Тања Кокев (модна креаторка и сопственичка на “Кокев модно студио”) разговараме како да се опкружиме со вистинските луѓе, како да поставиме здрави граници со луѓето во нашите животи но и како да се научиме да кажеме НЕ за да си го сочуваме внатрешниот мир. „Сè што би сакал да знаев порано“ е достапна во вашата најблиска книжарница и онлајн на веб страницата на Издавачки центар три, www.kniga.mk.