Епизода 7: Не мораш апсолутно ништо да направиш (со Илијанчо Гаговски)

Не велам дека човек не треба да има соништа и амбиции. Секој треба да сонува. И да работи на исполнување на своите соништа. Но прашањето кое секој од нас треба да си го постави гласи: за кого го правам ова? За себе? За моите? За кого? Бидејќи, кога ќе си поставиш нереални цели затоа што чувствуваш дека мораш да ги постигнеш, а не дека треба, ефектот може да биде катастрофален. Во најновата епизода од мојот поткаст, инспириран од мојата најнова книга „Сè што би сакал да знаев порано“, со мојот пријател Илијанчо Гаговски (Основач и директор на Prymapps), разговараме како да направиме разлика меѓу МОЖАМ и САКАМ, како да носиме одлуки кои ги отсликуваат нашите вредности но и кога е вистинскиот момент да се откажеме од она што ни ја црпи енергијата. „Сè што би сакал да знаев порано“ е достапна во вашата најблиска книжарница и онлајн на веб страницата на Издавачки центар три, www.kniga.mk.